രാമനും രമണനും കണ്ടുമുട്ടിയതെന്തിന്?-എക്സ്ക്ലൂസീവ്

ചരിത്രം ചിതലുകള്‍ക്ക് തിന്നാന്‍ കൊടുത്ത
ഒരു ഓലപ്പുരയുടെ മുറ്റത്ത് വെച്ചാണ്
രാമനും രമണനും കണ്ടു മുട്ടിയത്‌
ഹനുമാന്‍ ,പുല്ലാങ്കുഴല്‍ തുടങ്ങിയ
സംഭവങ്ങളൊന്നും കൂടെ ഉണ്ടായിരുന്നില്ല
പെണ്ണിനെ വിട്ടവനും പെണ്ണ് വിട്ടവനും

കൈ കോര്‍ത്തങ്ങനെ നടന്നു
പ്രപഞ്ചത്തില്‍ പെണ്ണുങ്ങളില്ലാത്തിടം തേടി
"ന്നാലും ന്റെ രാമാ ....
എട്ടിന്റെ പണ്യല്ലേ ഓള് തന്നത്..."
"ഇങ്ങള് സങ്കടപ്പെടല്ലീന്ന്...
ഒക്കെ ശര്യാവും ..."
പകല്‍ ഇരവിന് കുട പിടിക്കുന്നിടത്തു
ഭാണ്ഡമിറക്കുന്നു,രാമനും രമണനും
കണ്ണീരിലെല്ലാ കടവുമലിയിച്ച്
മിഴി പൂട്ടാന്‍ തുടങ്ങുന്നേരം ..
രണ്ടു റൌണ്ട് ഡി.ടി .എസ് ചെവി തുളയ്ക്കുന്നു ..
ഠേ ഠേ ഠേ!!!!!!!!!!
മുന്പിലെന്തോ വന്നു വീണല്ലോ ...!!!!!
അയ്യോ ..
മേലാകെയൊരു തെച്ചിപ്പൂന്തോപ്പ്..
ചേതനയറ്റൊരാറുവയസ്സ്...
ഓടി വരുന്നലമുറയിട്ട് ,നൂല്‍ബന്ധമില്ലാതെ
പതിനേഴിലൊരു റോസാപ്പൂ ;
പിന്നില്‍ ,പൊട്ടിച്ചിരിച്ചൊരുപാട് മുള്ളുകള്‍ ..
ചുറ്റുംനോക്കുമ്പോള്‍ കാണുന്നു...
മതം മാന്തിക്കീറിയ മേല്ക്കുപ്പായങ്ങളില്‍
മനം വെന്ത കരച്ചിലുകള്‍ ,
തോക്ക് തുളച്ച നെറ്റിത്തടത്തിലേക്ക് നോക്കി
കോങ്കണ്ണിച്ച് ഉണരാതുറക്കങ്ങള്‍
ഒരു നൊടി ഞെട്ടിയെണീക്കുന്നു രമണന്‍ ..
കൈപിടിച്ചോടുന്നു രാമന്റെ ;
വീണ്ടും ചരിത്ര ത്തിന്റെ മറ
യിലേയ്ക്കു കുതിയ്ക്കുന്നു ...

പടവുകളൊരുപാടുണ്ടിനിയും രാമാ ..
പരിഭവിച്ചിട്ടെന്തു കാര്യം ????
പകല്‍ നിലാവ് തേടി നടന്നു
ഇനിയും വയ്യ വെറുതേ വെറുതേ .....